පිටසක්වල ජීවීන් සම්බන්ධයෙන් ලෝකයේ මුල්වරට නිශ්චිත සාධක සොයා ගැනීමට ශ්‍රී ලංකා බ්‍රිතාන්‍ය ඒකාබද්ධ විද්‍යාඥ කණ්ඩායමක් සමත් වෙති.
පොළොන්නරුව, අරලගංවිල ප්‍රදේශයෙන් ලැබුණු උල්කාපාත කැබැලිවල පාෂානීභූත ඇල්ගී විශේෂයක් පවතින බවට බකිංහැම් සරසවියේ තාරකා ජීව විද්‍යාව පිළිබද මහාචාර්ය චන්ද්‍රා වික්‍රමසිංහ මහතා ඇතුළු පර්යේෂණ කණ්ඩායම සොයාගෙන ඇත.
පිටසක්වල ජීවයක පැවැත්ම සම්බන්ධ න්‍යාය තහවුරු කිරීමට නිශ්චිත සාධක ශ්‍රී ලංකාවෙන් හමුවූ බවට එමඟින් විද්‍යාඥයෝ සනාථ කර තිබෙන අතර විශ්වයේ ජීවයක් බිහිවීමට පාදක වී ඇත්තේ උල්කාපාත හා ග්‍රාහක කොටස් බවද එම පර්යේෂණයේදී තහවුරු කරගෙන තිබේ.
ඒ අනුව මෙම නවතම සොයා ගැනීම්වලට අනුව විශ්වයේ වෙනත් ග්‍රහලොවක පැවැති ජීවයක් පෘථිවියට පැමිණ ඇති බවට තහවුරු වී ඇත. පසුගිය දෙසැම්බර් 29 දා අරලගන්විල ප්‍රදේශයට කඩා වැටුණු උල්කාපාත පාෂාණ කැබලි සාම්පල පරීක්ෂා කිරීමෙන් අනතුරුව විද්‍යාඥයන් මෙම නිගමනයට එළඹ ඇති අතර මෙය ලෝකයේ මෙතෙක් සිදුකළ පිටසක්වල ජීවයට අදාළ වැදගත්ම සොයා ගැනීම බවද විට්ස් සරසවියේ මානව පරිණාම ආයත‍නයේ විද්‍යාඥ මහචාර්ය ප්‍රැන්සිස් තැකරේ සඳහන් කරයි.
මේ සම්බන්ධයෙන් විශේෂ පර්යේෂණයන් සිදුකර තිබෙන අතර මේ නව සොයා ගැනීම තාරකා විද්‍යාඥයන් පිරිසක් අතර දැඩි ලෙස කතාබහට ලක්ව තිබේ. උල්කාපාතයන් වැනි කැබැලි සොයා ගැනීම සම්බන්ධයෙන් අසත්‍ය තොරතුරු ප්‍රකාශකර තිබෙන බවට ඔවුන්ගේ මතය වී තිබේ. මේ අතර තාරකා විද්‍යාඥ සහ දේශක ෆිල් ප්ලේට් මහතා සඳහන් කරන්නේ මේ සම්බන්ධයෙන් සිදුකළ පර්යේෂණ අනුව සැකයකින් තොරව උල්කාපාත කැබැල්ලක් බවට හඳුනාගෙන ඇති බවය. මේ පිළිබද 'ෆොසිල් ඩයටම්ස් ඉන් අ නිව් කාබනේෂස් මිටියෝරයිට්' යනුවෙන් ජ‍ර්නල් ඔප් කොස්මෝලොජි සඟරාවේද මෑතකදී ලිපියක් පළවි
adapted by
