රිසානා බේරාගැනීමට හැකිවීද?can we rescue Risana Nafeek?

සෞදි අරාබියේදී සිව්මස් හැවිරිදි බිලින්දියෙකු හිතා මතාම මරණයට පත් කළේය යන චෝදනාවෙන් ද්වාද්මි හි පිහිටි  බනධනාගාරයේදී හිස් ගැසුම් කෑ රිසානා නෆීක් නමැති ශ්‍රී ලාංකික දැරිය බේරා ගැනීමට ඉඩ තිබිණිද?මෙය අප විමසා බැලිය යුත්තක්.. සත්‍ය වශයෙන්ම ඇය උපන්නේ 1988 පෙබරවාරි 4 වනදා.  ඇය සේවයට පිටත් වන්නේ 2005 මැයි 4  වැනිදා.  ඒ වන විට ඇගේ වයස අවුරුදු  17යි. ඇය 1988 උපන්නද ඇයගේ ගමන් බලපත්‍රයේ සටහන් වෙන්නේ ඇය උපන්නේ 1982 බවයි. එය අපේ රටේ රැකියා නියෝජිතයෙකුගේ වංචනික ක්‍රියාවක්. ඇය ද්වාද්මි හි පිහිටි නායිෆ් ජිසියාන් ඛලාෆ් අල් ඔටාබි ගේ නිවසේ සේවයට යවනු ලබනවා.ගෘහ සේවයට පුහුණුවක් ලැබුනද මේතරම් කුඩා දරුවකු බලාගැනීමට ඇයට තේරුමක් නෑ.මන්ද ඇය පුහුණුව ලබා තිබුනේ ගෘහ සේවයට මිසක් ආයා කමට නොවන නිසා. ගෘහ සේවයට අමතරව  ආයා වැඩේ කිරීමට සිදුවීම අරාබි නීතියට අනුව නිවැරදිද ?මේ ගැන කතා කරන්නේ කව්රුන්ද?ඇය කුඩා බිළිඳාට කිරි පොවමින් සිටියදී කිරි ස්වසන මාර්ග ගතවීමෙන් බිලිඳා මිය යනවා ඒ 2005 මැයි 22 වනදා. රිසානාට මරණ දඬුවම හිමිවන බව කිසිවෙක් දැන සිටියේ නැති බව යි වාර්තාවෙන්නේ. ඉන් හැඟෙන්නේ රිසානා නිකන්ම නිදහස් වනබව හැමෝම හිතගෙන හිටියා යන්නද? මෙසේ මරණ දඬුවමට ලක් වූ එකම කෙනා රිසානා විතරක් නෙවේ.ඒ කියන්නේ අපිට අපේ රටේ උගතුන්ට බලධාරීන්ට අනුමාන කරන්න තිබුනා ඇයට මේ ඉරණම අත් වෙන බව..2005 සිට 2013 දක්වා කාලය වසර කීයක්ද? ඒ වෙනතෙක් අප කලේ කුමක්ද? නායිෆ් ජිසියාන් ඛලාෆ් අල් ඔටාබි හමු වී සාකච්චා කලාද ?බිලිඳාගේ අම්මා හමුවීද?රිසානාට සිදුවූ දේ කියන්නට හැකිවීද ?ඇයගේ භාෂව සම්බන්ද ගැටලුව විසදීද ?ඒ පිලිබනද අප කලේ කුමක්ද?මස 4 බිලිදෙකුට මව් කිරි හැර බෝතල් වලින් කිරිපෙවීම ෂරිය නීතිය අනුව වලංගුද?මේ ප්‍රශ්නවලට පිළිතුරු සපයන්නේ කවුද? රිසානා මියගොස අහවරය. ඊළඟට හිස ගැසුම් කන්නේ කවුද? ඔබේ අම්මා, සහෝදරි!එතකන් අපි උඩ බලාගෙන සිටිමු.

                                 රිසානා ගේ පියා යැවු ලිපිය 



වීඩියෝව සඳහා ස්තුතිය 
සහෘද නෙත්FM නාලිකාවට